Максім Шняк, дызайнер
Ракавіна Laufen PALOMBA 814806
Кошт: 11 856 000 руб.
Такая ракавіна – цудоўны прыклад сумяшчэння дзвюх функцый, калі няма неабходнасці набываць сталешніцу. Глядзіцца вельмі арганічна і апраўдана.
Свяцільня OZCAN MERIVA 5507-1
Кошт: 2 080 000 руб.
Той прыклад, калі складаны пластычны сілуэт прадмета выдатна спалучаецца з агульнай досыць простай канструкцыяй. Можна з трох-чатырох аднолькавых свяцільнікаў стварыць на столі ў вялікім памяшканні цудоўную групу, але і асобна прадмет не будзе глядзецца сумна.
Змяшальнік Hansgrohe Pura Vida 15072000
Кошт: 10 779 600 руб.
Тут падкупае выракарыстанне дзвюх паверхняў, дзякуючы чаму прадмет быццам вырастае з ракавіны. Патрабуе канешне ж і адпаведнай “няпростай” ракавіны, але, тым ня меньш, гэта адзін з найцудоўнейшых змяшчальнікаў.
Выцяжка Elica SinfoniaWH
Кошт: 22 400 000 руб.
Уражвае рэч перш за ўсё тым, што ўспрымаецца ў інтэр’еры сучаснай мінімалістычнай скульптурай. Проста няма слоў, неверагодна! Патрабуе строгай і вельмі “металічнай” кухні.
Офіснае крэсла Halmar Coco III
Кошт: от 1 778 400 руб.
Адзначу гэтае крэсла перш за ўсё за тое, што сярод звычайных офісных “касмічных” крэслаў эмацыйна успрымаецца як нешта чыстае і ненавязлівае. Падазраю, што дызайн ідзе ад знакамітага крэсла Ээро Саарынэна .
Настольная свяцільня Arte COSY A4610LT-1CC
Кошт: 2 156 000 руб.
Проста прыемны і ўраўнаважаны прадмет, дзе чысты абажур цудоўна кантрастуе са скульптурнай асновай. Падыдзе ў “паўкласічныя” сучасныя інтэр’еры.
Люстэрка BRW Ringo-LUS 7/6
Кошт: 496 000 руб.
Прадмет-хоку, прадмет-жэст. Адчуваюцца захапленне Японіяй і сузіральнасць аўтара. Такое люстэрка ў любым інтэр’еры будзе вяртаць думкі ў норму.
Камод BRW S-58-KOM 4s/9/10 sambesi sebrano
Кошт па запыце
Дызайн-жарт, але жарт інтэлектуальны, калі стужка светлага дрэва вырашае ўвесь прадмет. Не надта люблю камоды, але такі б узяў адназначна. Падыдзе ў нейкі эклектычны інтэр’ер, ці нават класічны.
Напольная свяцільня Globo Bailey 24662R
Кошт: 1 002 800 руб.
Чысты прадмет, успрымаецца нязмушана і стрымана, будзе цудоўна жыць і ў светлым інтэр’еры (нюанс) і ў больш цёмным (акцэнт). Скульптура са святла.
Унітаз «Керамін» «Аркцік кампакт»
Кошт: 2 942 550 руб.
Даўно ведаю гэты унітаз і раблю камплімент айчыннаму прадпрыемству: сапраўды лепшы прадмет з тых што я бачыў у “Кераміна”, усё на месцы, усё арганічна, успрымаецца як нешта ўзніклае само сабой. Можна не азірацца і браць у сучасны санвузел + каштуе смешныя грошы.
